Վրաստանը՝ առանց Ստալինի

Վրաստանի Թելավի քաղաքի իշխանությունները որոշել են ապամոնտաժել Իոսիֆ Ստալինի պատվին օրեր առաջ կանգնեցված հուշարձանը:

Քաղաքի իշխանությունները հուշարձանը տեղադրած «Ստալին» հասարակական կազմակերպությանը դա ինքնուրույն անելու համար կարճ ժամկետ են տվել, սակայն ՀԿ-ի ներկայացուցիչները հրաժարվել են այն քանդել՝ նշելով, թե իրենք կառուցման գումարը հազիվ են հայթայթել՝ իրենց կազմակերպության, Վրաստանի վետերանների միության միջոցներով:

Կախեթի շրջանի Թելավի քաղաքի՝ Երկրորդ աշխարհամարի զոհերի հուշահամալիրի տարածքում Ստալինի արձանը ավելացավ սեպտեմբերի 1-ին, հաջորդ օրն իսկ հուշարձանը պատվեց նարնջագույն ներկով՝ ի նշան բողոքի: Իսկ քաղաքային իշխանությունը որոշել է այն քանդել՝ հիմնավորելով, թե տեղադրվել է առանց թույլտվության: