''Շիրակ''-ը պարտվեց, ''Միկա''-ն կիսեց միավորները

Չեմպիոնների լիգայի որակավորման առաջին փուլի շրջանակներում Հայաստանի չեմպիոն «Շիրակ»-ը  Սան Մարինոյում պատասխան խաղ խաղաց «Տրե Պենե»-ի հետ: «Շիրակ»-ի կոտդիվուարցի պաշտպան Սամուել Կիերեն, դառնալով ինքնագոլի հեղինակ, խփեց հանդիպման միակ գոլը: Հայկական թիմը Գյումրիում հաղթել էր «Տրե Պենե»-ին` 3:0:

Այսպիսով` ընդհանուր` 3:1 հաշվով Գյումրիի «Շիրակ»-ը դուրս եկավ Չեմպիոնների լիգայի որակավորման երկրորդ փուլ, որտեղ կհանդիպի Բելգրադի «Պարտիզան»-ի հետ:

Եվրոպայի լիգայի որակավորման առաջին փուլի պատասխան խաղում  Երևանի «Միկա»-ն կրկին  չկարողացավ առավելության հասնել Չեռնոգորիայի «Ռուդարի»-ի նկատմամբ: Առաջին խաղում երևանյան ակումբը նվազագույն հաշվով զիջել էր մրցակցին: Արդեն Երևանում` «Միկա»-ն ոչ-ոքի խաղաց «Ռուդար»-ի հետ` 1:1: Մեկական գոլով աչքի ընկան Ռաֆայել Ղազարյանը` 45' և  Նենադ Ստոյանովիչը`  85':