Վահագն Խաչատրյանը քաղաքապետարանի աշխատակազմին Թիֆլիս է ուղարկում

Այն ինչ կատարվում է Երևանում, նման է նախնադարին. Երևանի քաղաքապետի թեկնածուների միջեւ բանավեճի ժամանակ հայտարարեց Երևանի ավագանու ՀԱԿ ցուցակը գլխավորող Վահագն Խաչատրյանը` անդրադառնալով քաղաքի աղբահանության խնդրին:

ՀԱԿ գործիչը խնդրի լուծման հետաքրքիր տարբերակ առաջարկեց. «Թող մեր քաղաքապետարանի աշխատակազմը գնա Թբիլիսի, մի քանի օր մնա նրանց քաղաքապետարում և տեսնի, թե ինչպես են այնտեղ քաղաքը մաքրում, և  գա, նույն եղանակով Երևանը մաքրի»: Խաչատրյանի կարծիքով` Երևանի բոլոր շենքերում պետք է վերացվեն աղբատարները, բացի դրանից` աղբահանությունը բավականին գրավիչ է բիզնեսի համար:

Նույն կարծիքին է նաև ՀՅԴ ցուցակը գլխավորող Արմեն Ռուստամյանը: Ըստ նրա` Երևանում աղբահանության մաֆիա է գործում, և ոչ ոք թույլ չի տա, որ աղբահանության մոնոպոլիան ձեռքից ձեռք անցնի, քանի որ այդ բիզնեսը բաշխված է մի քանի ընտանիքների միջև: