123 տարի անց Հոլանդիայի գահին տղամարդ կբազմի

Աշխարհի 18 թագավորական ընտանիքների ներկայացուցիչներ հրավիրված են` մասնակցելու Նիդերլանդների միապետի փոխման արարողությանը, որը տեղի կունենա այսօր Ամստերդամում: Թագուհի Բեատրիքսը, ով 33 տարի թագավորել է երկրում, կստորագրի հօգուտ որդու գահից հրաժարվելու մասին փաստաթուղթը: 46-ամյա ժառանգորդը գահ կբարձրանա Վիլլեմ-Ալեքսանդեր անունով` դառնալով վերջին 123 տարիների առաջին տղամարդ թագավորը Նիդերլանդներում եւ ամենաերիտասարդը` Եվրոպայում. տեղեկացնում է ИТАР-ТАСС-ը:

Բացի թագավորական ընտանիքների ներկայացուցիչներից, արարողությանը մասնակցելու հրավեր են ստացել նաեւ ՄԱԿ-ի նախկին գլխավոր քարտուղար Քոֆի Անանը, Եվրահանձնաժողովի նախագահ Ժոզե Մանուել Բարոզուն, Միջազգային օլիմպիական կոմիտեի ղեկավար Ժակ Ռոգեն եւ այլք: