Անչափահասների կողմից կատարված 80 հանցագործություն` եռամսյակի ընթացքում

Վերջին տարիներին մեր երկրում նկատվում է անչափահասների մասնակցությամբ հանցագործությունների թվի նվազում. լրագրողների հետ հանդիպման ժամանակ հայտարարեց ՀՀ ոստիկանության քրեական հետախուզության գլխավոր վարչության երրորդ վարչության պետի տեղակալ, ոստիկանության գնդապետ, անչափահասների գործով բաժնի պետ Արթուր Վարդանյանը:

Ամփոփելով 2013-ի առաջին եռամսյակը` Վարդանյանը նշեց, որ նախորդ տարվա նույն ժամանակահատվածում գրանցվել էր 81, իսկ այս տարի` 80 դեպք: Դրանց մեծ մասը գողություններ են: Գրանցվել է կողոպուտի և մեքենա փախցնելու` մեկական, խարդախության և խուլիգանության` երկու դեպք:

Ըստ Վարդանյանի` հանցագործությունները կատարող անչափահասները հիմնականում 14-15 տարեկան են, իսկ կատարված հանցագործությունները` մանր: