Հայաստանը պատրաստ է վերսկսել հարաբերությունները Հունգարիայի հետ

Հայաստանը պատրաստ է վերականգնել հարաբերությունները Հունգարիայի հետ. այսօր ԵԽ գլխավոր քարտուղար Թերբյորն Յագլանդի հետ համատեղ ասուլիսում ասել է ՀՀ արտգործնախարարի պաշտոնակատար Էդվարդ Նալբանդյանը:

«Հայաստանը մշտապես պատրաստ է եղել Հունգարիայի հետ հարաբերությունների վերականգնմանը, սակայն Հունգարիան պետք է  որոշակի քայլեր կատարի այդ ուղղությամբ»,- հայտարարել է նա:

Հիշեցնենք, որ Հունգարիայի հետ Հայաստանը դադարեցրեց հարաբերությունները, երբ 2012-ի օգոստոսի 31-ին Հունգարիայում ցմահ բանտարկված ադրբեջանցի սպա Ռամիլ Սաֆարովին արտահանձնեցին Ադրբեջանին, որն էլ հերոսացրեց ու ներում շնորհեց հայ սպային քնած ժամանակ կացնահարած հանցագործին: