Մանրամասներ` Մհեր Սեդրակյանի դստեր հարսանիքից

Մհեր Սեդրակյանի դստեր հարսանյաց հանդեսին ներկա են եղել և՛ Սերժ Սարգսյանը, և՛ Գագիկ Ծառուկյանը: «Հրապարակը» գրում է, որ նրանք նստած են եղել կողք կողքի սեղաններին՝ մոտ երկու- երեք մետր հեռավորությամբ, սակայն բարև-բարլուս չեն տվել: Գագիկ Ծառուկյանի սեղանի շուրջ նստելու եկած` ՕԵԿ համամասնական ցուցակի առաջին համար Արմեն Երիցյանն ու ԲՀԿ առաջնորդ Գագիկ Ծառուկյանը ջերմ բարևել, ողջագուրվել են:

Արմեն Երիցյանը, դեռ չնստած, ասել է. «Գագո, դե հիմա բարձր ասա՝ թող բոլորը լսեն, թե ում ես ընտրելու քաղաքապետի ընտրություններում»: «Քեզ, իհարկե, քեզ»,- բարձրաձայն ու ժպտալով ասել է Ծառուկյանը: «Երիցյանն էլ Ծառուկյանի զորավարն է»,- կատակել են կողքի սեղանից:

Ի դեպ, հիշենք, որ Արմեն Երիցյանն իր օրերում եղել է ոստիկանության բարձրաստիճան սպա, իսկ Ծառուկյանը՝ «օպեր»: