Կանադայի Մարդու իրավունքների թանգարանում Հայոց ցեղասպանությունը կլինի ուշադրության կենտրոնում

Կանադայի Մարդու իրավունքների թանգարանը Օսմանյան Թուրքիայում 1,5 մլն հայերի կոտորածին այլ որակում, քան ցեղասպանությունն է, տալ չի կարող: Այդ մասին հայտարարել է թանգարանի ներկայացուցիչ, պրոֆեսոր Քլինթ Քերլը` մեկնաբանելով Կանադայում Թուրքիայի դեսպանի հայտարարությունը, թե Կանադայի կողմից Հայոց ցեղասպանության ճանաչումը խոչընդոտում է թուրք-կանադական տնտեսական հարաբերություններին, եւ կոչը Կանադայի կառավարությանը` ժեստ անել, որպեսզի «այդ հարցը մնա անցյալում». տեղեկացնում է Armeniatoday-ը:

Ըստ Քերլի` թանգարանի բացումը տեղի կունենա Վիննիպեգեում` հաջորդ տարի, եւ Հայոց ցեղապսնաւթյան մասին տեղեկատվությունը կներկայացվի թանգարանի սրահներում: «Հայոց ցեղասպանությունն առանց ուշադրության չի մնա, երբ բացվի Կանադայի մարդու իրավունքների թանգարանը: Հայոց ցեղասպանության դասերը` մարդու իրավունքների տեսանկյունից, կներկայացվեն տարբեր ուղղություններով, ներառյալ` Ռաֆայել Լեմկինին, 1948 թվականի Ցեղասպանության կոնվենցիային, նաեւ աշխարհում կատարված զանգվածային ոճրագործություններին նվիրված ցուցասրահներում»,- նշել է նա:

Ի դեպ,  վերջերս Քլինթ Քերլն այցելել էէր Երեւան, եղել Ցեղասպանության թանգարանժ-ինստիտուտում եւ համագործակցության պայմանավորվածություն ձեռք բերել երկու թանգարանների միջեւ:

Հհիշեցնենք, որ Կանադայի  խորհրդարանը Հայոց ցեղասպանությունը ճանաչել ու դատապարտել է 2004-ին: