Ուրուգվայի առաջնորդը Արգենտինայի նախագահին "ծեր հրեշ" է անվանել

Ուրուգվայի նախագահը Արգենտինայի նախագահին «ծեր հրեշ» է անվանել. հայտնում է El Observador-ը:

Ուրուգվայի նախագահ Խոսե Մուխիկան ապրիլի 4-ին կայացած մամուլի ասուլիսից առաջ զրուցել է իր հպատակներից մեկի հետ: Չնկատելով, որ բարձրախոսն արդեն միացված է` նա ասել է. «Այդ ծեր հրեշն ավելի վատն է, քան այն շիլաչքը»:

Հարավային Ամերիկայի ԶԼՄ-ներն անմիջապես արձագանքել են  նախագահի այդ խոսքերին և վերագրել Մուխիկայի ասածը Արգենտինայի նախագահ Քրիստինա Քիրշներին ու նրա հանգուցյալ ամուսին Նեստոր Քիրշներին, ով եղել է Քրիստինայի նախորդը նախագահի պաշտոնում:

Ըստ Buenos Aires Herald-ի` Արգենտինայի ԱԳՆ ղեկավարը հանդիպել է Ուրուգվայի դեսպանի հետ և բողոքի նոտա հանձել նրան: Արգենտինայի ԱԳՆ ղեկավարը Մուխիկայի այդ խոսքերն «անընդունելի»  է անվանել և ասել է, որ դրանք «անարգում են հանգուցյալ Նեստոր Քիրշների հիշատակը»: