Նոբելյան մրցանակակրին հնարավոր է պատժեն միասեռականների դեմ խոսելու համար

Խաղաղության Նոբելյան մրցանակակիր, Լեհաստանի նախկին նախագահ Լեխ Վալենսան սուր քննադատության է արժանացել երեկ TVN24 հեռուստաալիքի հետ զրույցում սեռական փոքրամասնությունների վերաբերյալ խոսքերի համար: Նա ասել էր, որ սեռական փոքրամասնությունների ներկայացուցիչները հասարակության մեջ երբեք չեն հասնի այն դիրքին, ինչ ունեն մյուսները. տեղեկացնում է Вести-ն:

«Նրանք պետք է հասկանան, որ փոքրամասնություն են, հետեւաբար`պետք է  մեծ ձգտումներ չունենան: Նրանք չեն կարող մեծ բարձունքների հասնել, նրանք չեն ունենա աստեղային ժամեր, մեծամասնությունը երբեք նրանց այն ուշադրությունը չի հատկացնի, ինչպիսին ակնկալում են նրանք: Համասեռականները խորհրդարանում պետք է նստեն մյուս պատգամավորներից առանձին»,- հայտարարել էր Վալենսան:

Նախկին պատգամավոր Ռիշարդ Նովակը Վալենսայի դեմ հայց է ներկայացրել դատախազություն` մեղադրելով նրան համասեռամոլների նկատմամբ թշնամանք հրահրելու մեջ: Նույն կերպ է արձագանքել նաեւ պատգամավոր Ռոբերտ Բիեդրոն` լեհական խորհրդարանի առաջին պատգամավորը, ով չի թաքցնում իր միասեռական լինելը:

Դատախազությունը մոտ օրերս կորոշի` Վալենսան որեւէ պատասխանատվություն կկրի՞ ասածների համար, թե՞ ոչ: