Վայոց ձորի մարզպետը շփոթված էր

Ի տարբերություն այլ մարզպետերի, ՀՀԿ Խորհրդի, այնուհետեւ ԳՄ նիստից հետո Վայոց ձորի մարզպետ Էդգար Ղազարյանը հրաժարվեց պատասխանել հարցին, թե ինքը մնալո՞ւ է իր տեղում: «Ես իրավասու չեմ ՀՀԿ անունից հայտարարություն անել»,- նշեց նա:

Yerkir.am-ի խնդրանքին` գոնե իր մասով խոսել, մարզպետը պատասխանեց. «Նույնիսկ իմ մասով հայտարարություն կարող է անել կուսակցության մամլո քարտուղարը»: Մեր թղթակցի այն դիտարկմանն էլ, թե` կարծես, անտրամադիր է եւ շփոթված, մարզպետը արձագանքեց, որ սխալ տպավորություն ենք ստացել:

Նա հրաժարվեց նաեւ ասել, թե գո՞հ կամ դժգո՞հ է նախագահն իր կատարած աշխատանքներից: «Ես նախագահի հետ հանդիպման մանրամասների մասին չեմ կարող ասել»,- հայտարարեց երիտասարդ մարզպետը: