Մարդասիրական օգնության կենտրոն` Հայաստանում

Անցյալ տարի ՀԱՊԿ շրջանակներում պայմանավորվածություն է ձեռք բերվել Հայաստանում հիմնել հայ-ռուսական համատեղ տարածաշրջանային մարդասիրական օգնության կենտրոն։

Ներկայումս ՀՀ և ՌԴ արտակարգ իրավիճակների նախարարությունների միջև քննարկումներ են ընթանում կենտրոնի ձևաչափի, տեղակայման վայրի, կառուցվածքի և այլ հարցերի վերաբերյալ։

Այս օրերին Երևանում են հայ-ռուսական մարդասիրական օգնության կենտրոնի ստեղծման աշխատանքային խմբի անդամներ` ՌԴ ԱԻՆ միջազգային գործունեության դեպարտամենտի տնօրենի տեղակալ Վիկտոր Գոլիցինը, խորհրդական Վլադիմիր Կուդրյավցևը, գլխավոր մասնագետ Վլադիմիր Վատուտինը, ներդրումների և կապիտալ շինարարության դեպարտամենտի ներկայացուցիչ Բորիս Երմոլաևը և «Էմերկոմի» տնօրենի տեղակալ Իգոր Շչերբակովը։