Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Գյումրու 34/22 ընտրատեղամասում «Քաղաքացիական հասարակության ինստիտուտ» ՀԿ-ի դիտորդը ժամը 09:00-ի դրությամբ նկատել է հանձնաժողովի նախագահի բացակայությունը: Ընտրացուցակները նույն ընտրատեղամասում փակցված են եղել ընտրողների համար անհարմար վայրում` դպրոցի հետևի կողմում: Դիտորդը նկատել է նաև մարդկանց կուտակումներ:
Տավուշի մարզի Գետահովիտ գյուղի թիվ 40/33 ընտրատեղամասում ժամը 09։20-ին դիտորդն արձանագրել է բաց քվեարկության դեպք: Ընտրողը քվեախցիկից դուրս գալուց հետո մոտեցել է քվեատուփին, հանել քվեաթերթիկը և բարձրաձայն ասել, թե ում օգտին է քվեարկել: Նա դիտորդներին պարզաբանել է, որ ինքը ՀՀԿ անդամ է և դա անում է ինքնակամ, որ իրեն հավատան: Ընտրական օրենսգրքի համաձայն՝ քվեարկության գաղտնիությունը խախտելը պատասխանատվություն է սահմանում:
Ապարանի թիվ 14/21 ընտրատեղամասում դիտորդը ժամը 8:30-ին արձանագրել է, որ քվեախցիկում տարեց կնոջն օգնել են քվեարկել երկու անձինք, ինչն Ընտրական օրենսգրքի խախտում է: Հանձնաժողովի նախագահը ոչինչ չի ձեռնարկել խախտումը կանխելու համար՝ պատճառաբանելով, որ կինը շատ ծեր է և դժվարանում է քվեարկել:
Աղբյուրը՝ www.hra.am -ի