Այսօր Սուրբ Վալենտինի օրն է

Այսօր Սուրբ Վալինտինի տոնն է: Ավանդույթի համաձայն` այսօր մարդիկ իրենց  սիրելի էակներին սիրո խոսեր են ասում, ծաղիկներ, շոկոլադ կամ սրտեր նվիրում:

Գոյություն ունեն Վալենտինի տոնը նշելու մի քանի ավանդույթներ: Դրանցից մեկի համաձայն` փետրվարի 14-ին առաջին տղամարդը, ում կտեսնի չամուսնացած կինը կլինի հենց նրա ապագա ամուսինը: Մեկ այլ ավանդույթի համաձայն` աղջիկներն իրենց երկրպագուների անունները գրում են թղթերի վրա, սոսնձում դրանք եւ նետում ջուրը: Որ թուղթը ջրի երեսին մնա, նա էլ կլիներ իր ամուսինը:

Կամ` եթե գլխավերեւում շիկահավ եք տեսել, նշանակում է` կամուսնանաք նավաստու հետ: Եթե առավոտյան ճնճղուկ եք տեսել, ուրեմն կամուսնանաք աղքատի հետ, բայց կլինեք երջանիկ:

Վալենտինի տոնը սիրո օր է, եւ մարդիկ պետք է իրենց սիրելիներին ասեն երկար սպասված խոսքերը: