Չինարի գյուղում գազատար է պայթել ադրբեջանական կողմի կրակոցների հետեւանքով

Արդեն տեւական ժամանակ է, ինչ Տավուշի մարզում ադրբեջանական կողմից կրակոցներ են հնչում: Այսօր հակառակորդը դարձյալ կրակ է բացել Տավուշի շրջանի սահմանամերձ Չինարի գյուղի ուղղությամբ: Զոհերից հնարավոր է եղել խուսափել: Զգալի են, սակայն, նյութական վնասները:

Նախնական տեղեկությունների համաձայն`կրակոցների հետեւանքով պայթել է գազատար խողովակը, սակայն տեղաբնակներին հաջողվել է մարել հրդեհը եւ վերացնել վթարային վիճակը: Անվտանգության նկատառումով գյուղի գազամատակարարումը դադարեցվել է:

Միջադեպի հետեւանքով վնասվել է նաեւ մեկ տուն եւ մեկ ավտոմեքենա: Ավտոմեքենան երթեւեկելուց է եղել, իսկ ուղեւորների թվում եղել են նաեւ անչափահաս երեխաներ:

Առայժմ հստակ չէ` կորուստները սահմանափակվո՞ւմ են այսքանով, թե՞ ոչ: