Գազմանովից խաբեությամբ 700 հազար ռուբլի են կորզել

Հայտնի ռուս երգիչ Օլեգ Գազմանովը խարդախների զոհ է դարձել. նրանից խաբեությամբ կորզել են ավելի քան 700 հազար ռուբլի (մոտ 23 հազար դոլար). հայտնում է Дни.ру-ն: Այդ գումարը, իբր, պետք է ծախսվեր Գազմանովի համերգային շրջագայության համար թռիչքների կազմակերպման վրա։

Միջադեպը տեղի է ունեցել դեռեւս 2010 թվականին, սակայն միայն հիմա` գործի ավարտից հետո է հայտնի դարձել դրա մասին։ Գործով գլխավոր մեղադրյալը 59-ամյա գործարար Յուրի Շումակովն է: Նա ներկայացել է որպես մոսկովյան ավիաընկերություններից մեկի ներկայացուցիչ ու Գազմանովի տնօրենին առաջարկել ինքնաթիռ վարձել երգչի` Կիեւ, Ուֆա եւ Սիմֆերոպոլ թռիչքների համար`գնահատելով այդ ծաայությունները 717 հազար ռուբլի։