Աֆրիկյան զորքը ժամանել է Մալի

Արևմտյան Աֆրիկայի երկրների տնտեսական միության զորակազմի առաջին խումբը ժամանել է Մալի. հայտնում է France-Presse-ը։

Հինգշաբթի Մալիի մայրաքաղաք Բամակո է ժամանել 40 զինծառայող։ Մոտ ժամանակներս Մալի կժամանեն նաև Արևմտյան Աֆրիկայի այլ երկրների, այդ թվում՝ Նիգերիայի, Չադի, Սենեգալի, Գվինեայի և Գանայի զինծառայողները: Ընդհանուր առմամբ` Մալի կժամանի մոտ 3000 զինծառայող:

Աֆրիկյան ուժերի` Մալի ուղարկումը արվում է համաձայն ՄԱԿ-ի Անվտանգության խորհրդի համապատասխան բանաձևի, որն ընդունվել է 2012-ի վերջին։ Նախատեսված էր, որ օտարերկրյա ուժերը Մալի կժամանեն 2013-ի աշնանը, սակայն երկրում իրավիճակի սրման պատճառով ժամկետները փոխվել են։