Չեխիան նախագահ է ընտրում

Այսօր Չեխիայում առաջին անգամ համաժողովրդական ուղիղ ընտրություններով նախագահ են ընտրելու: Ընտրությունները տեւելու են 2 օր:

Բոլոր բուքմեյքերական գրասենյակները հաղթանակ են կանխատեսում երկրի նախկին վարչապետ Միլոշ Զեմանին: Նրա գլխավոր մրցակից` նույնպես նախկին վարչապետ Յան Ֆիշերի շանսերը 3 անգամ ցածր են. տեղեկացնում է mignews.com-ը:

Համաժողովրդական քվեարկությամբ նախագահ ընտրելու սահմանադրական փոփոխությունը ստորագրել է երկրի դեռեւս գործող նախագահ Վացլավ Կլաուսը անցյալ տարվա փետրվարին: Նախկինում պետության ղեկավարին ընտրում էին խորհրդարանի երկու պալատները:

Վացլավ Կլաուսի երկրորդ նախագահական ժամկետը լրանում է  2013-ի մարտին, եւ նա իրավունք չունի երրորդ անգամ առաջադրվելու:

Ընդհանուր առմամբ, ներկայիս ընտրություններին առաջադրվել է 9 թեկնածու: