Եթե սխալ գործած լինեի, կասեի այդ մասին. Պուտին

ՌԴ նախագահ Վլադիմի Պուտինը  իր գործունեության մեջ չի տեսնում այնպիսի մի բան, որը կարելի էր փոխել կամ ուղղել: Այդ մասին նախագահը լրագրողներին հայտարարել է այսօր մամուլի ասուլիսի ժամանակ: Միևնույն ժամանակ, Պուտինը նշել է,որ անսխալական մարդ չկա:

«Ով մեղք չի գործել, թող առաջինը քար նետի ինձ վրա»,- նախագահը մեջբերել է Աստվածաշնչի հայտնի տողերը և ընդգծել, որ համակարգային սխալներ իր գործունեության ընթացքում թույլ չի տվել: «Եթե այդպիսի բան լիներ, ես այդ մասին կասեի»,- հայտարարել է նա:

Պուտինը նաև նշել է, որ Ռուսաստանն ավելի լավ վիճակում է, քան Եվրոպան ու ԱՄՆ-ը: «Տեսեք` Եվրոպայում ռեցեսիա է, իսկ մեզ մոտ` աճ, համեստ, բայց աճ»,- ասել է նա: