Կտորով փաթաթված դի` այրվող մեքենայում

Այս գիշեր Երևան քաղաքի Թաիրով փողոցում` «Հաղթանակ» կամրջի տակ ավտոմեքենա է այրվել: Ահազանգը ԱԻՆ-ում ստացել են ժամը 01.49-ին:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 01.59-ին, մարվել`02.05-ին:

Ամբողջությամբ այրվել է «ՎԱԶ 2107» մակնիշի առանց պետհամարանիշի ավտոմեքենայի սրահը: Ավտոմեքենայում հայտնաբերվել է կտորով փաթաթված դի: Անձը չպարզված քաղաքացու դիակը հանձնվել է ոստիկանության աշխատակիցներին:

Ոստիկանները պարզել են, որ հայտնաբերված քաղաքացին Երևան քաղաքի Խնկո Ապոր փողոցի թիվ 10 տան բնակիչ, 1950 թվականին ծնված Վրեժ Գևորգյանն է. տեղեկացնում է ԱԻՆ «Արտակարգ ալիք» լրատվականը: