Ադամանդ "Ժառանգություն"-ը, քարածուխ իշխանությունը

Օրերս ԱԺ ՀՀԿ խմբակցության ղեկավար Գալուստ Սահակյանը հայտարարեց, թե «Ժառանգությունն» իր համար անհասկանալի եւ փոքր թիմ է: Ասվածը ԱԺ «Ժառանգություն» խմբակցության պատգամավոր Արմեն Մարտիրոսյանին այդքան էլ չի վիրավորում:

«Շատ լավ է, որ Գալուստ Սահակյանի համար «Ժառանգությունը» անհասկանալի թիմ է»,- կեսկատակ-կեսլուրջ ասաց նա: Թիմի փոքրությանն էլ անդրադառնալով` նկատեց, որ «ադամանդն էլ է փոքր լինում, իսկ այ քարածուխը` բավականին մեծ է»:

Արմեն Մարտիրոսյանը  լրագրողներին եւս մեկ անգամ վստահեցրեց, որ իրենք լինելու են նոր խորհրդարանում, իսկ խոսակցություններն այն մասին, թե «Ժառանգությունն» այդ շեմը չի հաղթահարի, պատգամավորը պարզապես «ինֆորմացիոն գրոհ» որակեց: