Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
ԱԺ ՀՅԴ խմբակցության ղեկավար Վահան Հովհաննեսյանն այսօր ԱԺ հայտարարությունների ժամին անդրադարձավ ֆիզիկայի ինստիտուտը ՊՈԱԿ-ից հիմնադրամի վերափոխելու` կառավարության որոշմանը:
Պատգամավորն առաջարկեց մինչ այդ կապակցությամբ խորհրդարանական լսումների անցկացումը սառեցնել գործընթացը:
Նա նշեց, որ հակառակ դեպքում գիտական այդ հիմնարկը դադարում է գիտական հիմնարկ լինելուց, իսկ ֆիզիկայի ինստիտուտի մասին բարձրաձայնում են ոլորտի հետ բոլորովին կապ չունեցող մարդիկ:
Վ. Հովհաննեսյանը հիշեցրեց, որ դեռեւս խորհրդային տարիներին Հայաստանն աչքի է ընկել ֆիզիկայի ոլորտում ունեցած իր հաջողություններով, եւ ատոմակայանը Հայաստանում կառուցվել է հենց այդ պատճառով: Եվ նման ինստիտուտի ոչնչացումը նպատակահարմար չէ, քանի որ Հայաստանն ունի նոր ատոմակայան կառուցելու եւ այլ ծրագրեր:
Նա ԱԺ ղեկավարին փոխանցեց 100-ից ավելի ստորագրություններով նամակը, իսկ Հովիկ Աբրահամյանը խոստացավ հետեւել խնդրին: