Հրաժարվել քրիստոնեությունից` կենդանի մնալու համար

Իրանցի քրիստոնյա քահանա Յուսուֆ Նադերխանիի փաստաբանը հայտարարել է, որ նա կենդանի մնալու հնարավորություն ունի: 30-ամյա Նադերխանին 2009-ին դատապարտվել էր մահապատժի` դավանափոխության համար:  Նա քրիստոնեություն էր ընդունել 19 տարեկանում:

Ինչպես տեղեկացնում է BBC-ն, Իրանի գերագույն դատարանը Նադերխանիին կենդանի մնալու դիմաց առաջարկել է հրաժարվել քրիստոնեությունից, սակայն, ինչպես նշում է վերջինիս փաստաբանը, Նադերխանին հրաժարվում է այդ քայլից:

Անգլիական եկեղեցու նախկին եպիսկոպոսը` Մայքլ Նազիր Ալին, BBC-ին տված հարցազրույցում ասել է, որ, որպես քրիստոնյա, ինքը չի կարող խորհուրդ տալ Նադերխանիին` հրաժարվել իր հավատից:

«Ես նույնպես նման խնդիր եմ ունեցել, թեեւ, իհարկե, ոչ այս ձեւով: Նման իրավիճակում ես ինձ համար Աստծուց կխնդրեի ուժ ու քաջություն. նույնն էլ նրա համար եմ խնդրում: Միեւնույն ժամանակ, ես իմաստություն եմ խնդրում նրանց համար, ովքեր իշխանության ճակատագիրն են որոշում»,- ասել է Նազիր Ալին:

Տարբեր միջազգային կազմակերպություններ իրանական իշխանություններին բազմիցս կոչ են արել մեղմել Նադերխանիի դատավճիռը, սակայն դատարանն անհողդորդ է մնացել: