Ձերբակալել են 4 կորեացի լրագրողի

Չինաստանի իշխանությունները ձերբակալել են Հարավային Կորեայի «Ջունգ Անգ Իլբո»  թերթի լրագրողներին` լրտեսության մեղադրանքով:

Նրանք սեպտեմբերի 20-ին կալանավորվել են Չինաստանի եւ Հյուսիսային Կորեայի սահմանին: Լրագրողներն ունեցել են զբոսաշրջային վիզաներ:

Guardian-ը գրում է, որ ձերբակալվածների խմբում չորսը լրագրող են, մեկը Սեուլի կառավարության տրանսպորտային հետազոտությունների կենտրոնի փորձագետ է եւ տեղացի ուղեկցորդ:

Նշվում է, որ Չինաստանի իշխանությունները չեն համակրում արտասահմանցի լրագրողներին, ովքեր այցելում են Հյուսիսային Կորեայի սահմանին մոտ վայրերը:

«Լրագրողներ առանց սահմանի» կազմակերպության ղեկավարն այս դեպքի կապակցությամբ ասել է. «Աշխատանքային վիզա ստանալը բավական դժվար է, եւ երբ լրագրողները չեն ունենում այդպիսի վիզա, չինական իշխանությունները հաճախ օգտվում են դրանից` խոչընդոտելով նրանց աշխատանքին այս շրջանում»: