Գերժամանակակից կանգառներ ենք ունենալու

Երևանի կանգառներում էլեկտրոնային վահանակներ են տեղադրվելու, որոնք միացված են լինելու GPS համակարգին և հաշվելու ու ցուցադրելու են երթուղայինի եւ ավտոբուսի ժամանմանը մնացած րոպեները:

Ինչպես տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը, առայժմ փորձարկվում են համակարգի դետալները` ծրագրավորման ու սարքի համադրելիությունը: «Համակարգի պիլոտային ծրագիրը կմեկնարկի ավտոբուսների նոր խմբաքանակի երթուղի դուրս գալուց հետո: Նոր ավտոբուսներում ներդրված է լինելու GPS համակարգը, ինչը հնարավորություն կտա լայնորեն փորձարկել, ապա ներդնել ծրագիրը»,- նշել է «Երևանի կառավարման տեխնոլոգիաների կենտրոն» ՓԲԸ-ի տնօրենի տեղակալ Վահագն Ծատուրյանը: