Հեռուստաաշտարակը տոնականորեն լուսարձակելու է

ՀՀ անկախության 20-ամյակի և «Էրեբունի-Երևան» տոնակատարության կապակցությամբ գունավոր լուսարձակներ են տեղադրվել հանրապետության գլխավոր հեռուստաաշտարակի վրա:

Ինչպես տեղեկացնում է Երեւանի քաղաքապետարանի տեղեկատվության և հասարակայնության հետ կապերի վարչությունը, նախագծումն ու լուսարձակների մոնտաժման աշխատանքներն իրականացրել է հայկական «Դոմոսվետ» ընկերությունը, իսկ աշտարակի բարձրադիր հատվածներում լուսարձակները տեղադրել են աշտարակը սպասարկող «Հանրային հեռուստառադիոցանց» ՓԲԸ-ի աշխատակիցները:

Ընդհանուր առմամբ` տեղադրվել են  320 LED գունավոր լուսարձակներ, որոնք կարող են ապահովել մինչև 16 միլիոն գունային երանգներ: Լուսարձակների ընդհանուր հզորությունը 19 ԿՎտ/ժամ է: