Երեւանում է "Գյուլբենկյան" նվագախումբը

«Երևանյան հեռանկարներ» 12-րդ երաժշտական միջազգային փառատոնի շրջանակներում առաջին անգամ Երևանում համերգային ծրագրով ելույթ կունենա «Գյուլբենկյան» սիմֆոնիկ նվագախումբը: Համերգը կազմակերպվել է Հայաստանի անկախության 20-ամյա հոբելյանի առթիվ:

««Գյուլբենկյանը» Եվրոպայում ամենախոշոր հիմնադրամներից է և միջազգային մեծ նշանակություն ունի: Նշանակալից է, որ այս տարի ենք այստեղ, երբ Հայաստանը տոնում է իր անկախության 20-ամյա հոբելյանը: Նվագախմբում կան նաև չորս հայ երաժիշտներ, որոնց համար անկախության տարեդաձին այստեղ գտնվելը մեծ պատիվ է»,- ասաց Պորտուգալիայի մշակույթի նախարար և «Գյուլբենկյան» նվագախմբի ղեկավարներից Թերեզա Գովեյան:

«Երևանյան հեռանկարներ» 12-րդ երաժշտական միջազգային փառատոնի շրջանակներում «Գյուլբենկյան» նվագախումբը այսօր և վաղը հանդես կգա Ա. Խաչատրյան համերգասրահում: