Հեղափոխությունն Իրանում ժամանակի հարց է. Լեոն Պանետա

Պենտագոնի ղեկավար Լեոն Պանետան հեղափոխություն է կանխատեսել Իրանում. տեղեկացնում է Reuters-ը:

Հեռուստաշոուներից մեկի ժամանակ` «կտարածվի՞ «արաբական գարունը» Իրանում» հարցին, նա պատասխանել է. «Իրանում վերջին ընտրությունների ժամանակ ապացույցներ տեսանք, որ երկրի ներսում շարժում կա, որը նույն հարցերն է բարձրացնում, որոնք այլ երկրներում հեղափոխությունների պատճառ դարձան: Կարծում եմ` հեղափոխությունն ու բարեփոխումները Իրանում ժամանակի հարց են»:

Պանետան նշել է, որ Իրանի ընդդիմադիր շարժումները շատ բան են սովորել Թունիսի, Եգիպտոսի, Լիբիայի հեղափոխություններից, նաեւ հավելել է, որ չափազանց կարեւոր է աջակցել իրանցի հեղափոխականների ջանքերին: