Վրաստանում մսամթերքը պատրաստում են էշի մսից

Վրաստանի` մսամթերք արտադրող ձեռնարկությունները հաճախ են արտադրության մեջ էշի միս կիրառում. ըստ GHN-ի`  հայտարարել է երկրի սպառնողների իրավունքների պաշտպանության հակակոռուպցիոն կենտրոնի նախագահ Գիա Բուրջանաձեն:

«Ձիու մսի օգտագործումը սովորական երեւյթ է դարձել: Խոսքը նաեւ էշի մսի մասին է, որը ուղղակիորեն օգտագործվում է կիսաֆաբրիկատներում: Ես իմ աչքերով եմ տեսել վաճառքի հանված մորթված էշերին»,- ասել է նա:

Բուրջանաձեի խոսքերով` էշի միսը չի կարելի կիրառել սննդում: «Դրա բաղադրության մեջ այնպիսի ֆերմենտներ կան, որոնք վտանգավոր են մարդու համար: Որքան էլ միսը ջերմային մշակման ենթարկվի, ակտիվ բաղադրիչները մնում են անփոփոխ: Այդ պատճառով էշի միսը ոչ մի երկրում չի օգտագործվում սննդում»,- ասել է նան` հավելելով, որ իր խոսքերի ապացույցը կարելի է գտնել հիվանդանոցներում` հաշվարկելով, թե որքան է մսից թունավորումների տոկոսը: