Խմբակային բռնաբարություն իրականացրած հայերը ազատազրկվել են

Երեկ հայ երիտասարդները եւ ազգությամբ ռուս եւս 2 տղաներ ստացան իրենց հասանելիք պատիժը` Լոնդոնում մալայզիացի մի ուսանողուհու բռնաբարելու համար:

Ինչպես տեղեկացնում է Lenta.ru-ն, դեպքը տեղի էր ունեցել Լոնդոնի հարավային հատվածում գտնվող հեղինակավոր Bellerbys College կրթական հաստատությունում կայացած երեկույթի ժամանակ։ Ոստիկանության տրամադրության տակ էին հայտնվել iPhone-ի միջոցով արված տեսագրություններ, որոնցում երևում էր, թե ինչպես են մի քանի երիտասարդներ հերթով բռնաբարում մալայզիացի մի աղջկա, ով թմրամիջոցների ազդեցության տակ էր:

22-ամյա Նորայր Դավթյանին դատարանը դատապարտել 10 տարի ազատազրկման, 19-ամյա Արմեն Սիմոնյանին` 8 տարի, 23-ամյա Գրիգորի Մելնիկովին` 9-ը, իսկ 23-ամյա Օլեգ Իվանովը՝ 8 տարի ազատազրկման: Դատական նիստի ընթացքում բոլոր չորս մեղադրյալները հրաժարվել են ընդունել իրենց մեղքը:

Մեղադրյալները նշանակված պատժի կեսը կկրեն բանտում, իսկ մյուս մասը կգտնվեն ազատության մեջ՝ իրավապահների հսկողության ներքո: Դատավորը հայտնել է, որ երկրից երիտասարդների վտարման հարցը կարող է որոշել միայն Մեծ Բրիտանիայի ներքին գործերի նախարարը: