Ադրբեջանցու բակում թռչող ափսե է ընկել

 Երեկ Ադրբեջանի շրջաններից մեկի բնակիչ Էլդար Սաֆարովի տան բակում տեղի է ունեցել ոչ սովորական երևույթ. Սաֆարովը հավաստիացնում է, որ արևելքից անսպասելիորեն եկած, չբացահայտված լուսավոր առարկան ընկել է իր բակ: Սաֆարովը տանը նստած է եղել, երբ լսվել է պայթյունի ձայն: Էլդարը դուրս է վազել բակ և տեսել, որ ծառի վրա է ընկել ինչ-որ խոշոր առարկա և սկսել վառվել: Ինչպես տեղեկացնում է  7d.org.ua  կայքը, դա շարունակվել է շուրջ 5 րոպե: Սաֆարովը կարծում է, որ դա եղել է ՉԹՕ(չբացահայտված թռչող օբյեկտ): Տարօրինակ առարկայի հետագա ճակատագրի մասին առայժմ ոչինչ չի ասվում, մասնագետները մեկնաբանություններ չեն տվել: