ՀՐԱՊԱՐԱԿ. Հեռացրել է աշխատանքից

Երեկ մենք տեղեկություն ստացանք, որ բնապահպանության նախարար Արամ Հարությունյանն աշխատանքից հեռացրել է բնապահպանական տեսչության պետ Ալեքսանդր Սահակյանին: Առայժմ ժամանակավոր պաշտոնակատար է նշանակվել նրա տեղակալ Մարզպետունի  Քամալյանը: Սակայն, մեր աղբյուրների փոխանցմամբ, Արամ Հարությունյանն այս պաշտոնում պատրաստվում է նշանակել տեսչության նախկին պետ Արսեն Ավագյանին: Բնապահպանության նախարարության հասարակայնության հետ կապերի պետ Արծրուն Պեպանյանը մեզ փոխանցեց, որ Սահակյանը հեռացել է իր դիմումի համաձայն: Ինչ վերաբերում է նոր պետի նշանակմանը, ասաց, որ նա նշանակվելու է միայն մրցույթի արդյունքում, որը դեռ չի հայտարարվել: