Կոկաինի ազդեցության տակ հո չէի՜ն պարում

Դանիայի թագավորական բալետի ամբողջ անձնակազմին մեղադրել են թմրանյութ օգտագործելու մեջ:

Jyllands-Posten պարբերականի ձեռքի տակ է հայտնվել մի զեկույց, որում նշվում է, թե խումբը` գեղարվեստական ղեկավարի գլխավորությամբ, մի քանի տարի է` կախվածություն ունի թմրանյութերից: Զեկույցը պատրաստվել է բալետի ղեկավարության պատվերով:

Պարզվել է, որ բալետմայստեր Նիկոլա Հյուբեն եւ մյուս պարողները տարիներ շարունակ կոկաին են օգտագործում:

Մի շարք պարողներ արդեն հաստատել են այդ փաստը, սակայն մասնագետները կասկածով են վերաբերվում այդ տեղեկատվությանը` նշելով, որ կոկաինի ազդեցությունն ակնհայտ կլիներ մասնագիտական որակների վրա: