Պրոֆեսիոնալները հեռանում են Հ1-ից

Մեր տեղեկություններով` «Բանաձեւ» ընկերության ղեկավար Արտակ Ալեքսանյանը նշանակվել է «ԱրմՆյուզ» հեռուստաընկերության տնօրեն եւ իր «Բանաձեւի» թիմով էլ տեղափոխվելու է նոր աշխատավայր:

Նախատեսվում է, որ «ԱրմՆյուզը» դառնալու է 24-ժամյա լրատվական հեռուստաալիք: Հուսով ենք, որ Ա. Ալեքսանյանին կհաջողվի պատվով դուրս գալ այդ գործից, սակայն վստահ չենք, որ «Հ1»-ը կկարողանա «Բանաձեւի» հաղորդումներին համարժեք հետաքրքիր հաղորդումներով լցնել առանց այն էլ անդեմ իր եթերը:

Համաձայն մեր աղբյուրների`  «Հ1»-ում ուրախ են Ալեքսանյանի հեռանալու կապակցությամբ, թեեւ բանակցում են «Հատուկ ռեպորտաժը»  «Հ1»-ով հեռարձակելու ուղղությամբ:

Ըստ որոշ տեղեկությունների` «Հ1»-ի հետ հաշտ չէ նաեւ «Երջանկության մեխանիկա» հաղորդաշարի հեղինակ, վարող Նազենի Հովհաննիսյանը: