Կաթողիկոսի վրաստանյան օրակարգը

Վաղը` հունիսի 10-ին, Ամենայն Հայոց կաթողիկոս Գարեգին Երկրորդը կսկսի վեցօրյա միջեկեղեցական եւ հայրապետական ​​այցը Վրաստան: Կաթողիկոսի այցը կատարվում է Վրաց ուղղափառ եկեղեցու կաթողիկոս-պատրիարք Իլյա Երկրորդի հրավերով:

Ինչպես տեղեկացնում են «Երկիր»-ի վրաստանյան աղբյուրները, Վեհափառ հայրապետը կհանդիպի Վրաստանի պատրիարքի, նախագահ Միխայիլ Սահակաշվիլիի հետ, կհյուրընկալվի Վրաստանում Հայաստանի դեսպանատանը, որտեղ հանդիպումներ կունենա Վրաստանում հավատարմագրված դիվանագետների հետ: Նախատեսված է, որ կաթողիկոսը կհանդիպի նաեւ հայ համայնքի ներկայացուցիչների հետ:

Օրակարգի համաձայն` հունիսի 10-ին Գարեգին Երկրորդը եւ Իլյա Երկրորդը Սուրբ Երրորդություն տաճարում միասին պատարագ կմատուցեն: Հունիսի 11-ին Ամենայն Հայոց կաթողիկոսը կայցելի Խոջիվանքի հայ մշակույթային եւ հասարակական գործիչների պանթեոն: Հաջորդ օրը նրա օրհությամբ Թբիլիսիի Հավլաբար թաղամասում` Սբ Էջմիածին եկեղեցու հարեւանությամբ, կբացվի «Հայարտուն» մշակութային կենտրոնը:

Այցի շրջանակներում` հունիսի 13-15-ը, Վեհապառ հայրապետը կմեկնի Ջավախք: