Ավտոմեքենան գետն է ընկել

Երեկ Լոռու մարզում, դեռևս չպարզված հանգամանքներում, Դեբեդ գետն ավտոմեքենա է ընկել:

Դեպքի վայր է մեկնել մարզային փրկարական վարչության փրկարական ջոկատը: Որոնողական աշխատանքների արդյունքում Եղեգնուտ գյուղի հարակից հատվածում հայտնաբերվել է ԳԱԶ-3110 մակնիշի 65 ԼՍ 650 պետհամարանիշով ավտոմեքենան` գետի մեջ շրջված: Պարզվել է, որ ավտոմեքենայում, բացի վարորդ, Ալավերդի քաղաքի բնակիչ,1961թ. ծնված Արսեն Կիրակոսյանից, եղել է չորս ուղևոր:

Փրկարարները գետից դուրս են բերվել Ալավերդի քաղաքի բնակիչներ` 1968թ. ծնված Մարատ Շախկոյանի եւ 1961թ. ծնված Արմեն Ասրյանի դիակները: Մյուս ուղեւորները` Ալավերդու բնակիչներ` 1957թ. ծնված Վահան Երիցյանը և 1966թ. ծնված Հարություն Երզնկյանը, չեն հայտնաբերվել: Որոնողական աշխատանքներ են իրականացվում: