Ախալցխայի եկեղեցին մարզպետարան կդառնա

Ախալցխայի Սբ Ամենափրկիչ եկեղեցու շենքը ծառայելու է որպես Սամցխե-Ջավախքի մարզպետարան: Վերակառուցման աշխատանքները սկսվել են այս տարվա ապրիլին, եւ նախատեսվում է, որ նոյեմբերին շենքը շահագործման կհանձնվի:

Տեղաբնակները պատմում են, որ 1883 թվականին կառուցված եկեղեցին գործել է մինչեւ 1953 թվականը, այնուհետեւ խորհրդային իշխանությունների կողմից վերափոխվել է զինվորականների ակումբի` Սպայի տան:

Ներկայումս ընթացող շինարարական աշխատանքների ընթացքում, երբ մաքրում են շենքի արտաքին հարդարանքը` այն թարմացնելու համար, բացվել են եկեղեցու պատերն ու դրանցում տեղադրված խաչքարերը:

Շենքը վերակառուցվելու է առանց արտաքին փոփոխությունների, այսինքն` այնպես, ինչպիսին եղել է Սպայի տունը:

Աստղիկ ԿԱՐԱՊԵՏՅԱՆ

Ախալցխա