Վրաստանի նախագահը բացատրություն է պահանջում Ախալցխայի մզկիթից խաչքարերը հանելու կապակցությամբ

Վրաստանի կառավարության համաձայնությունը` թուրքական կողմի պահանջով Ախալցխայի մզկիթից հանել քրիստոնեական խորհրդանիշերը` «խաչերի պատկերներով քարե ռելիեֆները», զարմանք է առաջացնում, եւ նախագահը համաձայն չէ դրան. այսօր լրագրողներին հայտնել է Վրաստանի նախագահի մամուլի քարտուղար Մանանա Մանջգալաձեն: 

Բացի դրանից` թուրք մասնագետները վերականգնելու են Ախալցխայի 18-րդ դարի «թուրքական հուշարձանները, կուղղեն այն սխալները, որոնք վրացի ճարտարապետները թույլ են տվել 2012 թվականին». տեղեկացնում է apsny.ge-ն: Ըստ նախագահի մամուլի խոսնակի` Վրաստանի նախագահը հարկ չի համարում արագացնել այդ գործընթացը, քանի որ շուտով Թուրքիա է այցելելու, թեեւ չի քննարկելու այդ հարցը, քանի որ դա կնշանակի Ռաբաթ ամրոցի ոչնչացում:

Մանջգալաձեի խոսքերով` նախագահի աշխատակազմոմ չեն կարծում, որ թուրքական կողմը նման պահանջներ է ներկայացրել: «Խոսքն այն մասին է, որ առաջարկը եղել է վրացական կողմից: Քրիստոնեական խորհրդանշանների տեղափոխումն անթույլատրելի է: Վրաստանի կառավարության առաջարկությունը վտանգավոր է եւ անընդունելի»,- հայտարարել է նա` հավելելով, որ նախագահը կառավարությունից հրապարակային բացատրություններ է պահանջում այդ որոշման վերաբերյալ: