Պուտինը որոշել է, թե ինչ է պետք Ռուսաստանին եւ ինչ պետք չէ

Մինչ 2020թ. Ռուսաստանը պետք է լինի զարգացած տնտեսություն ունեցող երկրների հնգյակում. համոզված է Ռուսաստանի վարչապետ Վլադիմիր Պուտինը։

«Գալիք տասնամյակի ընթացքում առնվազն երկու անգամ պետք է մեծացնել աշխատանքի արտադրողականությունը, իսկ Ռուսաստանի տնտեսության կարեւոր ճյուղերում՝ 3–4 անգամ»,– ասել է նա։

Պետդումայում այսօր ելույթ ունենալով` վարչապետը նաեւ ասել է, որ առաջիկա տասնամյակում սոցիալական դեմագոգիայի եւ անհիմն լիբերալիզմի վրա հիմնված փորձարարություններ Ռուսաստանին պետք չեն։

«Երկրին անհրաժեշտ է առանց վայրիվերումների ու չհիմնավորված փորձարարությունների հանգիստ զարգացում»,- ասել է Պուտինը։