Աղոթքից հետո փողոց են դուրս եկել

Հազարավոր ցուցարարներ այսօր` աղոթքից հետո, դարձյալ դուրս են եկել սիրիական Դերաա քաղաքի փողոցները` հակակառավարական կոչեր վանկարկելով: Ներկայումս անվտանգության ուժերի եւ զորքի ներկայություն քաղաքում չկա:

Դամասկլոսում նույնպես բողոքի ակցիա է: Ականատեսների խոսքերով` քաղաքային մզկիթներից մեկի մոտ հավաքվել է 250 մարդ: Տեղեկություններ կան Դեր էր Զոր եւ Բանիաս քաղաքներում զանգվածային բողոքների մասին:

Սիրիայում իրավիճակը շարունակում է լարված մնալ: Երկրի բնակչությունը քաղաքական բարեփոխումներ եւ նախագահ Բաշար ալ Ասադի հրաժարականն է պահանջում:

Ինքը` Ասադը, որ բազմիցս հայտարարել է, որ չի պատրաստվում հեռանալ պաշտոնից, երեկ հաստատել է երկրի նոր կառավության կազմը, որը պետք է լիբերալ բարեփոխումներ իրականացնի: Սակայն կառավարության հետ մեծ հույսեր չեն կապվում, հատկապես, որ, ըստ սիրիական օրենսդրության, դրա գործառույթներն ու ազդեցությունը սահմանափակ են: