Կարող էին գոնե տեղեկացնել

Վարչապետ Տիգրան Սարգսյանի որոշմամբ` Անդրանիկ Մելոյանն ազատվել է Արագածոտնի փոխմարզպետի պաշտոնից, մեկ այլ որոշմամբ` այդ պաշտոնում նշանակվել է Արամ Արսենյանը։

Թվում է` ոչ մի տարօրինակ բան տեղի չի ունեցել, մանավանդ վերջին շրջանում կադրային ակտիվ փոխատեղումների ֆոնին։ Բայց...

Երեկ առավոտյան Անդրանիկ Մելոյանը սովորականի նման ներկայացել է աշխատանքի և անցել իր պարտականությունների կատարմանը։ Միայն որոշ ժամանակ անց նրան տեղեկացրել են, որ կառավարության կայքէջում տեղադրված է տեղեկություն իրեն ազատելու՝ վարչապետի որոշման մասին։

Արդեն նախկին փոխմարզպետը փորձել է ճշտել տեղեկությունը, եւ կառավարության աշխատակազմում հաստատել են, որ այդպիսի որոշում իսկապես եղել է։