Ընդդեմ տոտալիտարիզմի

ՌԴ նախագահին առընթեր մարդու իրավունքների խորհրդի պատմական հիշողության աշխատանքային խումբը առաջարկում է պետական ծառայությունից հեռացնել այն պաշտոնյաներին, ովքեր հերքում են ԽՍՀՄ-ում տոտալիտար վարչակարգի կողմից իրականացված հանցագործությունները:

Փաստաթղթի հեղինակների կարծիքով` անհրաժեշտ է մշակել եւ Պետդումայի քննարկմանը ներկայացնել օրենք, որը «կարգելի հավերժացնել զանգվածային բռնությունների եւ քաղաքացիների իրավունքների ու ազատությունների նկատմամբ այլ ծանր հանցագործություններ գործած անձանց հիշատակը»:

Ինչպես տեղեկացնում է «Կոմերսանտը», հակաբռնատիրությունն առաջարկվում է դարձնել «Ռուսաստանի պաշտոնական քաղաքականության մաս», իսկ քաղաքական բռնությունների զոհերի հիշատակի օրը նախագահի ելույթը` ավանդական, բացի այդ` նոյեմբերի 7-ի` «տարօրինակ հնչող Ժողովրդական միասնության օրը անվանափոխել Ազգային հաշտության եւ քաղաքացիական պատերազմի զոհերի հիշատակի օրի», նաեւ խոշոր քաղաքներում կանգնեցնել բռնադատվածների հիշատակին նվիրված հուշարձաններ, բացել հուշահամալիրներ:

Փաստաթղթի հեղինակները համարում են, որ վաղուց հասունացած հարց է նաեւ Լենինին հուղարկավորելը: