Երկրաշարժերը Ղարաբաղում էլ են զգացվել

Ղարաբաղի տարբեր բնակավայրերում այսօր երկրաշարժ է գրանցվել։

Ինչպես «Երկիրի» թղթակցին հայտնեց Սեյսմիկ պաշտպանության արեւելյան ծառայության Ստեփանակերտի համալիր կայանի վարիչ Վալերի Վանյանը, օրվա ընթացքում երեք երկրաշարժ է եղել։

Առաջին երկրաշարժը գրանցվել է ժամը 13։52-ին Իրանում՝ Ահա քաղաքից 95 կմ հյուսիս-արեւելք, 4-5 բալ ուժգնությամբ։ Երկրորդը նույնպես եղել է Իրանում, ժամը 15։17-ին՝ դարձյալ Ահա բնակավայրից 126 կմ հյուսիս-արեւելք, 2-3 բալ ուժգնությամբ։

Իսկ երրորդ երկրաշարժի էպիկենտրոնը գտնվել է Ադրբեջանում, տեղի է ունեցել ժամը 15։25-ին Աղջաբադի քաղաքից 27 կմ հարավ-արեւելք,  4 բալ ուժգնությամբ։

Կայանի վարիչի հավաստմամբ` Արցախում զգացվել են առաջին եւ երկրորդ երկրաշարժերը։