Մենք պատրաստ ենք. Վարդան Մինասյան

Քիչ առաջ ավարտվեց Հայաստանի հավաքականի գլխավոր մարզիչ Վարդան Մինասյանի ասուլիսը:

Սկզբում խոսվեց Արարատ Առաքելյանի վնասվածքի մասին: Ինչպես ասաց մարզիչը, ինքը կենտրոնական պաշտպանի դիրքում համարժեք փոխարինողներ ունի` հանձինս Արթուր Յուզպաշյանի և Վալերի Ալեքսանյանի:

«Վերջին պարապմունքներից ելնելով` կարող եմ ասել, որ թիմը, այս պահի դրությամբ, թե՛ ֆունկցիոնալ և թե՛ հոգեբանական առումով պատրաստ է խաղին: Այժմ մենք մարզվում ենք 21 հոգով, և բոլորը լավ վիճակում են»,- նշեց նա:

«Երկիր»-ի այն հարցին, թե ինչպե՞ս կկառուցի խաղը Մինասյանը, եթե ռուսները փորձեն հակագրոհներով խաղալ, գլխավոր մարզիչը պատասխանեց. «Ռուսներն ավելի հարձակողական ոճի ֆուտբոլ են խաղում և սիրում են վերահսկել գնդակը, ամեն դեպքում մենք պատրաստ կլինենք»:

Ինչ վերաբերում է պարգևավճարներին, իսկ ռուսների դեպքում ավանսին, Մինասյանն ասաց, որ մեր պարգևատրումը կլինի 3 միավորը: