Ոստիկանությունն անցել է բռնի գործողությունների

«Մեր տղաները ճանապարհը փակել էին` ի նշան բողոքի, բայց ոստիկանությունը դուբինկաներով ծեծեց նրանց ու մի մասին տարավ բաժին, լրագրողների ձեռքից էլ խլել են տեսախցիկներ»,- քիչ առաջ ԵՐԿԻՐ-ին հայտնեց Արմավիրի քաղաքապետի թեկնածու Սեւակ Մինասյանը:

Մեզ հետ զրույցում նա հավաստիացրեց, որ Արմավիրի քաղաքապետի երեկվա ընտրություններն անցել են ընտրակեղծիքներով. «Ոստիկանության միջամտությամբ բացահայտ կաշառք են բաժանել»,- ասաց Ս. Մինասյանը` հավելելով, որ իրենք ընտրությունների արդյունքներն արդեն բողոքարկել են ԿԸՀ-ում:

Հիշեցնենք, որ Սեւակ Մինասյանի համակիրները մեկ ժամ առաջ փակել էին Արմավիր-Երեւան ավտոճանապարհը` կալանավորված եւ ոստիկանության բաժնում պահվող իրենց ընկերոջը բաց թողնելու պահանջով: