ԺԱՄԱՆԱԿ. Բելլաջոյի Գրիշի նոր տանիքը

Շրջանառվող լուրերի համաձայն` ժամանակին ՕԵԿ-ը լքած Գրիգոր Մարգարյանը` Բելլաջոյի Գրիշը, կրկին վերադարձել է իր նախկին կուսակցություն: Ընդ որում` այժմ ե’ւ ՕԵԿ-ը, ե’ւ Գրիշը հերքում են այդ փաստը:

Ըստ մեր տեղեկությունների` Բելլաջոյի Գրիշը 11 ընտրատարածքում որոշել է առաջադրել Grand Cendy ընկերության սեփականատեր Հրանտ Վարդանյանի որդին` Կարեն Վարդանյանը: Քանի որ Grand Cendy-ին գտնվում է հենց Շենգավիթում, աշխատակիցներից մեծամասությունն այդ թաղամասից են, Վարդանյանը համոզված է, որ ինքը առանց խնդիրների կընտրվի:

Բելլաջոյի Գրիշը, հասկանալով, որ շանսերը նվազել են, որոշել է պատգամավոր դառնալ ՕԵԿ ցուցակով, մանավանդ որ` մեծամասնական ընտրակարգով դառնալուն նրան ժամանակին օգնել է եղբայրը, որի հետ հարաբերությունները, սակայն, հիմա լարված են: