Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 13 տարի առաջ - 2011-03-01 04:45
Արցախ

ԼՂՀ արտգործնախարարն ԱՄՆ-ում է

ԼՂՀ արտգործնախարարն ԱՄՆ-ում է

Փետրվարի 25-ին, Վաշինգտոն կատարած այցի շրջանակներում, ԼՂՀ արտգործնախարար Գեորգի Պետրոսյանն այցելել է ԱՄՆ-ում Հայաստանի Հանրապետության դեսպանատուն: Դեսպանատան աշխատակիցների հետ հանդիպումից հետո տեղի է ունեցել առանձնազրույց ՀՀ դեսպան Թաթուլ Մարգարյանի հետ:

 

Այնուհետև, ԼՂՀ արտաքին քաղաքական գերատեսչության ղեկավարը հանդիպել է Ամերիկայի հայկական համագումարի գործադիր տնօրեն Բրայան Արդունու և կազմակերպության աշխատակիցների հետ, քննարկել է Ղարաբաղյան հակամարտությանն ու բանակցային գործընթացին, ինչպես նաև Սփյուռքի հայկական համայնքների կյանքին վերաբերող մի շարք հարցեր:

 

Փետրվարի 26-ին Գեորգի Պետրոսյանը հանդիպում է ունեցել Վաշինգտոնի Հայ դատի գրասենյակի ղեկավար Արամ Համբարյանի հետ: Հանդիպման ընթացքում քննարկվել են Ղարաբաղյան հակամարտության կարգավորման բանակցային գործընթացում առկա իրավիճակին, Արցախի կյանքի տարբեր բնագավառներին և տարածաշրջանային խնդիրներին վերաբերող հարցեր: ԼՂՀ ԱԳ նախարարը ներկայացրել է ԼՂՀ պաշտոնական դիրքորոշումը մի շարք հարցերում:

 

Գեորգի Պետրոսյանն այցելել է նաեւ Սուրբ Մարիամ և Սուրբ Խաչ եկեղեցիներ, զրուցել է հոգևորականների ու հայ համայնքի ներկայացուցիչների հետ: Սբ Խաչ եկեղեցում նախարարը հանդես է եկել ելույթով, որում հայ համայնքի անդամներին ներկայացրել է ԼՂՀ դիրքորոշումը ադրբեջանա-ղարաբաղյան հակամարտության հարցում` նշելով Ղարաբաղյան հիմնախնդրի արդարացի լուծման համար Հայաստանի, Սփյուռքի և Արցախի ջանքերի միավորման անհրաժեշտությունը: ԼՂՀ ԱԳՆ ղեկավարը պատասխանել է նաև հայ համայնքի ներկայացուցիչներին հուզող հարցերին:

 

Այցի ընթացքում ԼՂՀ արտգործնախարարին ուղեկցել է ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը. տեղեկացնում է ԼՂՀ ԱԳՆ մամուլի ծառայությունը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը