Անփորձանք հասան Մոսկվա

Ինչպես տեղեկացանք Հայաստանի ԱԳՆ մամուլի քարտուղար Տիգրան Բալայանից, երեկ ռուսական ինքնաթիռով Լիբիայից տարհանվել են Հայաստանի չորս քաղաքացիներ: Գեւորգ Աստվածատրյանին, Արտակ Մնացականյանին, Կարապետ Բաբաջանյանին  և  Անի Ղազարյանին Մոսկվայում դիմավորել են Հայաստանի դեսպանատան ներկայացուցիչները:

Իսկ  Լիբանանի իշխանություններն այսօր արգելել են իրենց երկրի տարածք մուտք գործել Մուամար Քադաֆիի ընտանիքի անդամներին, այդ թվում` որդու` Հաննիբալ Քադաֆիի կնոջը, ով Լիբանանի քաղաքացի է:

Քադաֆիի ընտանիքին պատկանող  մասնավոր  օդանավը Բեյրութի Ռաֆիկ Հարիրիի անվան օդանավակայանում փորձել է վայրէջք կատարել, սակայն թույլտվություն չի ստացել: