ԺԱՄԱՆԱԿ. Գյուղնախարարն առանց կրծքանշանի

Ըստ մեր տեղեկությունների` գյուղատնտեսության նախարար Սերգո Կարապետյանը, որը պաշտոնը զբաղեցնելուց անմիջապես առաջ անդամագրվել էր ՕԵԿ-ին, համառորեն հրաժարվում է կուսակցական կրծքանշան փակցնելուց:

Ավելին, ըստ շրջանառվող լուրերի` ՕԵԿ-ում այս թեմայով նույնիսկ խոսակցություններ են եղել, սակայն Սերգո Կարապետյանը հասկացրել է, որ ենթարկվում է Սերժ Սարգսյանին, նախարար է դարձել նրա հրամանագրով, ասել է թե` այդ կուսակցություն անդամագրվել է եւս Ս. Սարգսյանի ասելուց հետո:

Ավելին, նա նշել է, թե ինքն իրականացնում է Սերժ Սարգսյանի եւ կառավարության ծրագրերը` իր ոլորտի ուղղությամբ, ուստի պարտադիր չէ ՕԵԿ կրծքանշան ամրացնելը: