ԺՈՂՈՎՈՒՐԴ. Սերժի փեսան է "առաջ բրդում"

Երեկ հայտնի դարձավ, որ ՀՀ մարդու իրավունքների պաշտպանի առաջադրումը կկազմակերպվի հաջորդ քառօրյայի ժամանակ, եւ որ ավելի մեծ են «Արմենիա» հեռուստաընկերության հաղորդավար, իրավաբան Կարեն Անդրեասյանի շանսերը:

Բայց տեսնելով, որ Անդրեասյանի նկատմամբ, մեղմ ասած, այնքան էլ լավ վերաբերմունք չկա, իշխանական որոշ շրջանակներ` ավելի կոնկրետ նշվում է ԱԳՆ-ի անունը, սկսել են լոբբինգ անել ԵՊՀ իրավաբանականի փոխդեկան Կարեն Գեւորգյանի համար:

Երեկ «Ժողովուրդ»-ը փորձեց Կարեն Գեւորգյանից պարզել` արդյոք նրան օմբուդսմենի պաշտոնի առաջարկ արվե՞լ է. «Ինձ ոչ մեկը, ոչ մի բան չի առաջարկել, ես ինչպե՞ս կարող եմ մեկանաբանել մի բան, որից տեղեկություններ ընդհանրապես չունեմ: Որեւէ առաջարկություն, որեւէ խոսակցություն, որեւէ քննարկում չի եղել պաշտոնական մակարդակի վրա, ես չեմ կարող ասել: Երեւի պետք է ճշտել այն մարդկանցից, ովքեր այդ տեղեկությունները տարածել են»:

Հիշեցնենք, որ տխրահռչակ Անդրեասյանի  թեկնածությունը «առաջ է բրդում» Սերժ Սարգսյանի փեսան` Միքայել Մինասյանը: